و جائزة اسوأ اعلان في رمضان تذهب الى…… #ماركتنج #اعلانات #تسويق

و جائزة اسوأ اعلان في رمضان تذهب الى…… #ماركتنج #اعلانات #تسويق

قبل اسبوعين ، عالجت اعلان كوكاكولا و قولت ليه اعلان جراند هايتس افضل منه من ناحية الصيغة و الرسالة الاعلانية , احنا بنبص على الموضوع من صيغة علمية لانها حتفيدنا كناس بتشتغل بريسيز او مديري اي تي او بروفيشنال سيرفس و كمان لو انت بتأسس لشركتك…

ممكن ترجع للموضوع هنا https://www.facebook.com/M.Magdy.soliman/posts/677735318985959

و تقرا اكتر في تحليل اعلان بنك الامارات الوطني و النيورو ماركتنج هنا

السؤال بقا ، هو ايه اسوأ اعلان في رمضان….

بعيدا عن اعلان بنك مصر (اعلان كفتة بطل المقاييس) مفيش رسالة واضحة و الاغنية مش ماشية مع الرقصة ، اعتقد انه في اعلانين هما الاسوأ

========
الاسوأ الا حتى : اعلان المصرية للاتصالات

اعلانات المصرية للاتصالات اللي فاتت كان فيها فكرة ، بتوصل رسالة و بتروج لمنتج ، السنة دي اعتمدوا على اعلان ، مش شايف انه بيساعد ، يعني بداية جديدة بس هي ايه البداية ، ايه الجديد ، اعتمدوا انهم بيقدموا الخدمة من زمان بس ايه الفكرة الفنية ، صحيح الاعلان جميل كموسيقى و رومانسيات ، بس مفيش وصل المنتج او اي رسالة بتوصل…..

=======

الاسوأ في المطلق: اعلانات موبينيل

ليه اعلانات موبينيل الاسوأ ، خلينا نشوف (برضوا ده تحليلي و نظريتي ، و حنحتاج داتا و معلومات اكتر لتحليل ادق بس دي وجهة نظري)

خلينا ناخد الاعلان بتاع الشخص صاحب محل الانتيكيات اللي عايز اباجورة موكا ، الشخص تايه و ضايع و بيتكلم في الموبايل اي كلام ، فبعيدا و بناء على نظريات نفسية معقدة ممكن ترجع لكتب زي

 How to be persuasive

ازاي الرسائل بتأثر و بتتعالج في النفسية و الناس بترتبطها ببعضها ، غالبا في تحليلي الناس و هي بتتكلم حتحس بعدم الراحة و حتخلص المكالمة بسرعة علشان متبقاش زي الراجل التايه (او اغلب شخصيات الاعلانات اللي بتتكلم اي كلام ملوش لازمة)، فالاعلان مش بيشجع الناس تتكام كتير بضرب مثل جيد ، بل بتضرب مثل سئ علشان تشجع على الكلام….

الاعلانات بتربط نفسها دايئما بشئ جيد ، شوف برضوا اعلانات هايتس ، الراجل الاخضر وحش ، جراند هايتس حلو و كويس ، علشان اديك مثال في تأثير الرسالة على نفسية الشخص و ازاي بيتم في العقل بالرسائل ، خليني احكيلك مثال…

كان في محمية في كندا بتقوم بزراعة الاشجار ، و ادارة المحمية لاحظت انه في ناس بتسرق الاشجار و كانوا عايزين يروجوا للتصرف الحميد (عدم قطع و سرقة الاشجار) و يذموا في التصرف المش كويس (قطع الشجر) فقاموا بوضع اعلان (الارقام مش فاكرها و بعتذر فعلا ، فانا حطيت ارقام تقريبية) ، القصة التالية مذكورة في هذا الكتاب ، ممكن ترجع ليه علشان الارقام بالظبط

http://www.amazon.com/Yes-Scientifically-Proven-Ways-Persuasive/dp/1416576142/ref=sr_1_1?ie=UTF8&qid=1406401181&sr=8-1&keywords=how+to+be+persuasive

تم وضع اعلان كالتالي: كل سنة ، يقوم 14 الف شخص بقطع الاشجار و سرقتها و هو ما يشكل خسارة مليون دولار سنويا….

الفكرة في التالي ، المحمية دي بيزورها حوالي 30 مليون شخص و بالتالي النسبة بتاعت ال 14 الف تكون اقل من 1 في الالف ، بس الناس استكبروا الرقم و قالك ياااه ده في ناس كتير بيسرقوا ، و انا كمان (الربط بين التصرف ، الكترة ، انت عايز ايه ، عايز تعمل ايه) ، ايه اللي حصل ، السرقة زااااااااااادت….هههههه

الادارة راجعت الرسالة مرة اخرى و قرروا تعديلها ، و تم وضع اعلان كالتالي: هل تعلم انه 99.999% من الزوار لا يقطعون الاشجار و بالتالي يوفرون مليون دولار سنويا للمحمية تستعمل في حماية الحيوانات….

و فعلا تم ما كان ، و باالتالي اللي عايز اقوله ، الرسائل الخفية و النفسية يتم معالجتها بطرق مختلفة ، حتى و ان لم يتم ذلك في الغالب ، اعتقد انه كان ممكن عمل الاعلان بطريقة افضل و موبينيل تربط نفسها بطريقة افضل و تتحصل على نتائج افضل…..

One thought on “و جائزة اسوأ اعلان في رمضان تذهب الى…… #ماركتنج #اعلانات #تسويق

Leave a Reply

%d bloggers like this: