لماذا نتبع القوانين ، التوافق المجتمعي… انه كيف تورث الثقافات الغبية باستعمال الرقم السحري…الرقم اربعة…

لماذا نتبع القوانين ، التوافق المجتمعي… انه كيف تورث الثقافات الغبية باستعمال الرقم السحري…الرقم اربعة…

مقدمة: زي ما بقول #فكر_بطريقة_اخرى

صباح الخير…امبارح كانت نفسي مسدودة و مكونتش عايز اتفرج على حاجة ، قعدت اقلب في القنوات عترت على برنامج ميث باسترز في ديسكفري ساينس و بعده برنامج اسمه هيد جيمز

Head Games

انا بحب النوعية دي من البرامج فقعدت اشوف حيقولوا ايه الحلقة كانت بتتكلم عن ال

Conformity

او التوافق المجتمعي ، و ليه و ازاي الناس بتعمل توافق مع المجتمع و ايه حالات كده و هل ممكن تعمل توافق مع المجتمع (تتصرف زي ما بيتصرف المجتمع) حتى لو غلط ، خلينا نشوف…

اول تجربة مثيرة للانتباه ، هي تجربة المتحف ، حيث قام منفذو البرنامج بعمل خط على الارض بعيد عن التحف و قرروا يشوفوا الناس حتمشي على الخط زي ما التعليمات بتقول و لا لاء ؟!

كل الناس مشيت على الخط و بقوا بيقفوا بعيد جدا عن التحف و يبصوا ليها من بعيد و بتعب بس لازم يتبعوا التعليمات…انترستنج

خدوا التجربة لمستوى تاني و عملوا خطوط زجزاج عشوائية على الارض و و شافوا الناس حتمشي عليها و لاء..تفتكر ايه..مشيوا عليه…

اخر حاجة في التجربة دي كان مذهل ، هل ممكن الناس تتبع قوانين غبية جدا ؟!!!!

في المتحف اختاروا عمود ، و عملوا خط يقود ليه و يلف عليه في دايرة مغلقة (حتفضل تلف حوالين العمود بدون نهاية) تفتكر ايه اللي حصل….فكرت، لا كلوا مشي و فضل يلف حوالين نفسه…شيييييييت

التجربة الثانية كانت مدهشة ، هل ممكن الناس تشوف حاجة لمجرد انه الناس اللي حواليها بيقولوها ؟!

وقفوا ممثل في الشارع بيبص على الشجرة لفوق ، محدش انتبه ، اتنين محدش ، تلاتة محدش ، اربعة و الناس ابتدت تنتبه (و المعلق قال انه في مثل هذه التجارب يعتبر الرقم اربعة هو الرقم السحري لبدأ التأثير في الناس) الاربعة الممثلين اما وقفوا يبصوا على الشجرة الناس ابتدت تسألهم في ايه ، فقالولهم انه في ثعبان فوق الشجرة ، بمرور دقيقتين ، الناس ابتدت تقول اه صحيح ده في ثعبان و وصلت انه ناس ابتدت توصف حركته….انه تأثير المجتمع و الغالبية….

اخر تجربة كانت عميقة جدا….جداااااااااااا

جابوا مجموعة من الممثلين في غرفة ، و قالولهم انهم حيجيبوا شخص ما يعرفشي حاجة ، و انه عليهم اما يسمعوا الجرس يقوموا يقفوا…بس كده

الشخص قيد الدراسة دخل….جلس و قعد يتكلم مع الناس….و فور سماع الجرس الناس وقفت ، هو بص باندهاش ليهم في الاول و بعدين وقف ، سألهم احنا ليه بنقف ، محدش رد عليه…و فضلوا يعملوا كده كل شوية الجرس يرن و الناس تقف ، لحد ما هو بطل اندهاش و بقا بيعمل زيهم (كلمة احيه عريضة)…

العميق في الموضوع انه ابتدا منفذي البرنامج باخراج الممثلين واحد تلوا الاخر للانصراف مع استمرار رن الجرس…لحد ما بقا الشخص ده لوحده ، و رن الجرس …تفتكر ايه اللي حصل…اه وقف لوحده…

الاعمق انهم اضافوا شخص جديد تماما و لا يعلم ماذا يحدث ، فاما دخل و بعد تبادل حديث قصير ، الشخص قيد التجربة قال للشخص الجديد ، اما يرن الجرس ابقا اقف ، فقال له الشخص الجديد : اكيد انا حمشي ورااااااااك

و هنا المعلق قال في حكمة ستظل عالقة في ذهني ما حييت (انه كيف يتم توريث الثقافات)…

الحلقة مليانة بشرح تفسير التوافق و اتباع المجتمع و كيف انه ذهننا مبرمج لا حسيا باتباع الموضوع (القشرة الدماغية ، مناطق السعادة الخ الخ) ممكن تبقا تشوف الحلقة براحتك علشان تعرف التفسير…بالاشافة انه في تجارب اخرى تم تنفيذها ، الحلقة كاملة هنا

http://www.veoh.com/watch/v37049004hSFedGaf?h1=Head+Games+%3A+CONFORMITY

بس قبل ما اسيبك حسألك ، يا ترى كام مرة مشيت ورا قوانين بالية لمجرد انه اتقالك اعملها و خلاص ، كام مرة شوفت حاجة و هي مش موجودة اساسا ، كام مرة اتبعت المجتمع لانه الناس بتعمل كده و خلاص ؟! هل بتفكر قبل ما تعمل الحاجة ، و حقولك #فكر_بطريقة_اخرى

الابداع و الابتكار في ال Infrastructure Projects

الابداع و الابتكار في ال Infrastructure Projects

اااااااااه الكلام ده تخبيط في الحلل ، قصدك ايه حضرتك ، مش قصدي حاجة و الله ، بس انا جاي من 10 سنين شغل في مايكروسوفت Partners و بطبيعة الحال لو انا مؤمن اد كده بالابداع و الابتكار ، يبقا لازم ادي مثال للموضوع ده….

السؤال محرج صراحة ، لو قلت لاء يبقا ازاي مفيش ابداع و انا بتقول في ابداع ، و لو قلت اه حيتقاللي ادينا مثال…خلينا نحلل الموضوع شوية

انا جيت من Business Model لا يعتمد على الابداع بشكله العام و ان كان في ابداع داخلي (في الخباثة يعني) جوا الموضوع و ده اللي كان بيديني اسبقية على بعض المنافسين ، لكن المشكلة تكمن انه لو انت شغال عند بارتنر بيعمل Exchange, VMware, System Center, Linux او اي حاجة مش حيكون في ابداع ، الموضوع حيكون محتاج نظرة ابعد من كده

لو بصينا بالوضع العادي ، ال Business model ده مش بيوفر ليك مساحة تقدر تعمل Edge لنفسك فيها ، و زي ما قولت قبل كده حيكون المنافسة بينك و بين البارتنرز التانيين على السعر او مين عنده قدرة يحلف اكتر (او الموديل الطبيعي انه الVendor نفسه يدي عليك توصية و العميل يقول امين) بس فين الموديل اللي يضمن ليك التقدم على المنافسين….

من خبرتي اتصور انه الموديل ده و الابداع و الابتكار حيكون في كام قطاع كالتالي:

  • عموما مش حيكون في ابداع الا في الحاجات الجديدة ، و ده معناه انه انت ك ليدر ، Business development manager او C level عيك انه تدفع تيم ال Infrastructure ناحية الحاجات الجديدة دايما ، يتعلموها بسرعة و تقدر تروح للسوق بسرعة بيها ، بس مع الوقت غالبا حتتهرش و لذا عليك تبص على حاجة جديدة تانية
  • التنفيذ ، ازاي تعمل Automation و Standardization للتنفيذ و ده حيقلل التكلفة و يسرع فيها و يقلل ال Man/days
  • ابداع و ابتكار في الدايرة اللي بين ال Infrastructure and development و ابتكار منتجات بين الاتنين تساعدك ، بس طبعا محتاج حد يقدر يكسر الفجوة بين الاتنين و عنده قدرة حقيقية على الابداع و الابتكار و توصيف حلول بناء على كده
  • الابداع في الدايرة بين ال Hardware and infrastructure باختصار مش كل السيرفرات و البروسيسورز زي بعض…
  • الابداع و الابتكار في ال System Integration مثال انه بدل متعمل Lync لوحده ازاي تقدر تجيب و توفر للعميل كل اللي هو عايزه من هاردوير و سوفتوير علشان يقدر يعمل المشروع من الالف للياء ، ال Lync مثال بس ممكن تفكر في مليون حاجة شبيهه

عدا عن ذلك ، مع احترامي ، انا شايف البيزنس موديل العادي عاجز و لو عايز تكمل عليه ياما تنزل في السعر ياما تجيب واحد بيعرف يحلف بايمانات المسلمين و يقنع العميل….

توصيات ل 21 كتاب في الابتكار و الابداع

توصيات ل 21 كتاب في الابتكار و الابداع

مرينا الاسبوع ده بمقدمة في الابتكار و الابداع ، ثم امثلة عليه و طريقة ملخصة في كيفية الابداع و الان حان وقت التعمق ، في المقال ده حديك توصيات ل 21 كتاب انا قريتهم في الابداع و الابتكار.

الابداع و الابتكار مقسم لجزئين:

قسم شخصي : و هو كيف يمكنك ان تكون مبدع بحد ذاتك او تدير عملية الابداع

قسم مؤسسي: و معناه ان يكون الابداع جزء لا يتجزأ من عمل الشركة Business as usual و يصبح المعتاد هو الابداع (عبارة متناقضة ) و كيف تتحول الشركة من العمل النمطي الي تقديم حلول مبتكرة و متميزة

بعض الكتب تقدم افكارا مكررة علشان كده انا وضعت التوصيات في قسمين قسم اساسي و قسم اضافي ، القسم الاساسي يجب ان تقرأه ، القسم الاضافي يعرض لما هو موجود في الاساسي اما بطريقة مختلفة او باستفاضة

توصيات الكتب على الابداع الشخصي:

Ideastormers كتاب اكتر من رائع و في خطوات واضحة و صريحة تتبع

Inside the box كتاب اخترااااااااااااع بيتكلم عن اكتر من تقنية ازاي تقدر تجيب بيها افكار جديدة زي ال Subtraction, Divide and conquer , Multiplication..etc

Winning at Innovation كتب فيه طريقة ال ABCDEF و هي طريقة ظريفة و سهلة و هو واضخ و مباشر

The Innovator’s Path كتب حلو للابداع الشخصي داخل الاطار المؤسسي

توصيات الكتب على الابداع المؤسسي:

Idea Agent الكتاب ده برنس ، بيتكلم ازاي انت كقائد leader جوا لاشركة تقدر تخلق ثقافة الابداع (للشباب ، متحاولشي تنفذ الكتاب او تقارن اللي بيحصل في الواقع بيه علشان الضغط ، كفاية المدام و العيال)

The Business Model Innovation Factory كتاب تحفة بيتكلم ازاي تطور من ال Business model و تعمل فيه ابتكار ، اختراع يا كوتش

Relentless Innovation كتاب بيتكلم عن اهمية الابتكار و الابداع داخل المؤسسات

The End of Competitive Advantage لو عايز تتهبل ، اقرا الكتاب ده ، الكلام بيتكلم في حاجات مختلفة و المؤلف مش ممكن ، اختراع يا كوتششششششششششش

Innovate the Pixar way كتاب حلو بيتكلم عن ازاي بيكسار قدرت تعمل ابتكارات ، بيتكلم و بيشرح ازاي حسنوا الهيكل الوظيفي و التنظيمي داخل الشركة علشان يسهلوا الاختراع (اما تقرا الكلام ده تنساه علشان مش حيحصل جوا اي شركة مصري) بس اما تقرا كتاب زي Breakthough حتحس انه نصه مكرر

Breakthrough ده فيه كل الاساسيات علشان تقدر تعمل ادارة للابتكار جوا الشركة ، منظم و واضح و صريح

القسم الاضافي:

Conquering the Chaos

Employees First, Customers Second

innovation business as usual

Innovation Engine

Innovative Intelligence

Repeatability

The Behavior Breakthrough

the medici effect

The Innovator’s Path

The Other Side of Innovation

True Story