و ما هي الاخطاء المشتركة من مراجعة السي فيهات اليومين الماضيين

و ما هي الاخطاء المشتركة من مراجعة السي فيهات اليومين الماضيين

اشكر كل اللي بعت السي في لمراجعتها ، و انا جمعت بعض الاخطاء اللي اشتركت فيها اغلب السي فيهات ، اتمنى من الجميع تصحيحها لانها حتفرق:

  • اضافة صورة شخصية ، كثيرين وضعوا صورة شخصية ، و قد وضعت انفوجرافيك من فترة لاكثر اسباب رفض السي في ، و كان من اشهر الاسباب وضع صورة شخصية ، لا تضع صورة شخصية الا اذا طلب ذلك…
  • وضع اللوجو للشهادات ، استعمال لوجو قديم او غير مبرر ، لا تضع اللوجو للشهادات ، ز ما قولنا اغلب السي فيهات يتم معالجتها من خلال نظام و هو لن يقوم بمعالجتها و يمكن ان تعيق النظام ، احذفها
  • وضع كل تفاصيل التدريب و الشهادات ، يعني في ناس كتير حاطة كل الامتحانات اللي اخدتها لتصل شهادة معنية ، ضع الشهادة النهائية و مش مهم الامتحانات الصغير لانها تملى السي في على الفاضي.
  • عدم استعمال خط واحد خلال السي في ، اغلب السي فيهات اللي جت تم استعمال خطوط و فونتات مختلفة نتيجة النسخ و اللصق ، من المهم جدا من الناحية الفنية انك تستعمل فونت محدد و واضح.
  • ذكر الوظائف القديمة اولا ، خطأ كبير ، ضع المهنة الحالية اولا و ضع الوظائف السابقة لاحقة.
  • ذكر اسم الوظيفة بمفهوم غير واضح او ذكر الوظيفة بدون مهام و مسؤوليات ، يعني مثلا ناس كاتبة وظيفتي كانت تيكنيكال سبورت في الشركة اكس بدون اي مهام او مسؤوليات.
  • بالنسبة للمديرين ، عدم ذكر حجم الادارة و فريق العمل و المسؤوليات التفصيلية الخاصة بهم كمديرين.
  • عدم وجود كي ورردس كفاية او مهارات فنية كفاية في السي في

و بالتوفيق للجميع

ازاي تظبط السي في عموما و على بايت خصوصا للحصول على رانكنج اعلى – الجزء اكس (لاني مش فاكر الرقم حاليا)…

ازاي تظبط السي في عموما و على بايت خصوصا للحصول على رانكنج اعلى – الجزء اكس (لاني مش فاكر الرقم حاليا)…

خلال الاسبوع الماضي تكلمنا عن عدة اشياء تحدث منها الاسباب الواهية اللي بتتقالك في الانترفيو علشان تبرر رفضك ، و لماذا تذهب السي في بغير رجعة و اتكلمنا و شرحنا كيف تقوم محركات التوظيف بتقييم السي في

بالاضافة اني قمت بربط الموضوع بمواضيع سابقة مثل عوامل التحسين و الابهار التي اقترح ان يتم اضافتها للسي في ، و اليوم سنقوم بطرح بعض الامثلة العملية علشان الامور توضح و تكون اسهل

=======================================
كالعادة دي اقتراحاتي و ليك مطلق الحرية في الرفض او عدم تطبيقها اساسا

=======================================
بالامس طرحت احصاء سريع عن مستوى تقييم السي في مقارنة بمتطلبا الوظيفة على بايت ، بايت يقوم بهذه العملية في نهاية كل طلب للتقدم للوظيفة و يعطيك رانكنج

النتائج كانت كالتالي:

29 رد كان التوزيع كالتالي:

3 ردود بتقييم 200+

11 رد 100+

10 ردود 75+

رد واحد لكل من 50+ و 25+

3 ردود ل 10+

و لكي يكون التقييم موضوعي ، حذفت الادني و الافضل و بالتالي كان لدينا:

23 رد حيث حصلت الغالبية 91.31% على تقييم 75+

و هو رقم كبير نسبيا.

طيب كيف يتم تحسين التقييم، خلينا نشوف.

[sociallocker id=”1891″]

=====================================
مقدمة تاريخية

لسنين مكونتش فاهم موضوع بايت ده خالص ، و كنت لا اوصي به ، و الان اعتقد انه بيعتمد على خوارزميات الى حد ما بدائية مقارنة بمواقع اخر مثل مانستر (ده انطباعي الشخصي) ، و كان بيتم تقييم طلباتي برضو 100+

قمت بالامس طرح بعض الصور و التي توضح تقييمي قبل تحسين السي في بناء على اقتراحاتي حيث كان تقييمي 100+ و بعد التعديل ليقفز الى 10+ (ما بين ال 10 و العشرين) و هو تحسن دراماتيكي…

=====================================
لو قريت موضوع التاكسونومي ، الموضوع منشور هنا https://www.facebook.com/M.Magdy.soliman/posts/661092017316956

، حتكون فهمت الموضوع بس انت عايز تعرف ايه المطلوب ، لو مقريتهوش انصحك ترجع ليه ، من هنا عايزين نعمل الاتي

  • اولا تكون متأكد من انه تاريخ العمل و المسمى الوظيفي دقيق ، و هنا انا بقترح الاتي

متتكلمشي عن المسمى الوظيفي في صيغة تاسكات بسيطة ، اتكلم في وصف العمليات الادارية اللي بتقوم بيها ، مدى تعقيد العمليات ، حجم الشغل اللي بتقوم به

مثلا

Leading team of system engineer responsible for managing complex virtualization platform consists of 10 servers, 100 virtual machine and 1 TB of data.

كمان ممكن تحطيها في صيغة مسؤولية

Key Decision Maker in IT BIDs process and evaluating RFPs from vendors and partners

Heading pre-sales team responsible for annual TCV of 1 Million EGP

و ده بيشرح اخر بوست ، لانه ناس كتير بتكتب مثلا

Administrating Active Directory

و ده اوكي ، بس في وجهة نظري ، لا يعبر عن احتراف او مستوى او يوفر ابهار

  • بعد تظبيط المراحل الوظيفية ، نأتي لموضوع الشهادات ، في السي في عندي انا وضعتها في سيكشن لوحده ، و ذكرتها بالاسم المختصر و الاسم الكامل

Citrix Certified Expert CCE

و المهارات ، وضعتها زي ما قولت في علاقات

Parent and child

مثال

  • Virtualization Technologies: including Server Virtualization and Desktop Virtualization (VDI) using VMware ESXi ,Hyper-V, Xenserver, vCenter, vCloud Director,vShield Manager, vShield App, Xenapp6/6.5, Xendesktop 7.0, SCVMM 2012.

و هنا احنا بنملى الكي وردس صح في المهارات التيكنيكال

نفس الشئ لموضوع المهارات الشخصية و البيزنس ، قودامك اما جمل في صيغة كي وردس ، بس انا قررت التغيير و حجرب كي وردس في صيغة جمل مثلا:

  • Business Skills: Business Strategy, Competitive Strategy, Competitive Analysis, Competitive Product Positioning, Competitive Market Intelligence.

و برضوا في صيغة

Parent/child

و هنا انا عملت ملف اكسيل استعملته انه ابني ليسته المهارات المطلوبة ، انا هنا ببني مهاراتي و بصيغها على اني

Product Manager

 و دي جزء من الحاجات اللي بعملها و ببني مهارات فيها بقالي سنتين و غالبا حنقل ليها ، بس ما علينا ده حوار تاني ، المهم ممكن بقا تبني المهارات الفنية و الغير فنية بنفس الصيغة و تملاها في السي في و تتأكد انه حطيت المهارات دي كلها بنفس الاسلوب في قسم المهارات على بايت او اي موقع تاني

انا عملت ملف اكسيل (استعمله في بناء ماتريكس للمهارات و حط المهارات دي في السي في و في الابليكيشن اون لاين) و سي في ورد حيساعدوك تبني المهارات و تعمل السي في ، ممكن تعمل ليهم داونلود من هنا

https://onedrive.live.com/redir?resid=6B566FD2C47B21C4!211&authkey=!APP5fBT14ObFyE8&ithint=folder%2c.xlsx

انا اتبعت الخطوات دي و بعد ما عملت

Apply

في كام حاجة عشوائية لقيت الرانكنج بتاعي بقا مظبوط في الوظائف اللي عايز اقدم فيها ، و هنا بقترح

  • حط استراتيجية واضحة للموظائف اللي عايز تقدم فيها
  • راجع المتطلبات الوظيفية بدقة ، الموضوع اخد مني يومين في التظبيط ، و استعمل الانترنت في البحث عن الكي وردس المناسبة
  • اتأكد من انه الكي وردس فيها مهارات فنية و غير فنية
  • متستعملشي سي في واحدة في كل الوظائف
  • اعمل اكتر من سي في او اكتر من اكاونت لو حتقدم في حاجات مختلفة
  • على بايت ، التقييم قفز بحوالي 10 درجات علشان عملت اتاتش للسي في الورد بالاضافة لطلب التعيين
  • حصل تقدم درجتين انا حطيت كافر ليتر

و تبقى القاعدة الاخيرة ، كل اللي فوق ده حيديك مكان في الانترفيو ، بس حيبقا بقا الخطوة الاخيرة ، انه تتأكد فعلا انه كل شئ حتكتبه دقيق لانه محدش حيساعدك في يوم الانترفيو….

اتمنى انه الناس تجرب و تقوللي النتيجة ، و حكون اسعد لو مكانتشي النتائج مرضية لانه ده معناه انه لسه محتاجين نبحث اكتر

[/sociallocker]

الاسباب الحقيقية لماذا تذهب السي في و طلبات التعيين للثقب الاسود – الجزء الثاني – فهم و فك شفرة مراجعة و تقييم السيفيهات زي بايت علشان تخترقها

الاسباب الحقيقية لماذا تذهب السي في و طلبات التعيين للثقب الاسود – الجزء الثاني – فهم و فك شفرة مراجعة و تقييم السيفيهات زي بايت علشان تخترقها

في الجزء الاول اتعرضنا لموقف مهم الا و هو الاسباب المايعة اللي بتتقال علشان تتزحلق ، الجزء ده حيجاوب عن واحدة من الاسباب المهمة ، انك تبعت السي في و متلاقيش رد ، و للناس اللي متابعة على بايت ، ليه بيتم تقييمك اقل بكتير من ناس تانية…

طيب علشان نخترق و نفك شفرة ويبسايتس زي دي (نخترقها المقصود طبعا تعمل السي في صح علشان توصل للريركوتر) تعالى نشوف اولا عملية الريكروتنج بتم ازاي ، و ايه اللي بيحصل بالظبط

في ناس كتير فاكرة انه الريكروتر قاعد بيقرا السي فيهات اللي جاياله ، و بيقيمها ، للاسف مش ده اللي بيحصل الا في الشركات الصغيرة او شركات التعيين الصغيرة.

في الشركات الكبيرة بيتم الاعتماد على نظم بتعمل بارسينج للسي في و منها بتستخلص المعلومات المهمة للكانديدات و تبتدي تيدها سكور (حنشوف ازاي السكور ده بيتحسب) و منها يتعمل رانكنج بناء عليه يتم ترشيح السي فيهات ، بعد كده الريكروتر بيقوم فاتح السي في او النسخة المنقحة اللي عملها السيستم و يبتدي يقرا بقا.

في عملية ابسط من كده بيتم البحث جوا السي في على كلمات معينة باستخدام البحث في الورد او البي دي اف، لو مكانتشي موجودة الريكروتر بيبص على اللي بعده ، و هنا بقا لازم نوضح:

  • الريكروتر بتجيله مئات بل الالف السيفيهات ، مش حيعرف يقرا كل واحد ، و بالتالي لازم تفكر السيستم ازاي حيقرا السي في الاول ، مش انه بني ادم حيقراها ، و لو هو حيعمل بحث ، ممكن يعمل بحث على ايه

  • الريكروتر مش راجل تيكنيكال في الغالب ، فلازم تكلمه شعبي.

طوووويب ، ايه المطلوب علشان نخلي السي في مقرية لام السيستم.

عايزين نفهم الاول 3 حاجات:

  • السي في بارسينج ، و هنا بيقوم السيستم باستخلاص المعلومات المهمة من السي في ، و هنا لازم السي في يكون فيها سيكشنز واضحة باسامي واضحة و ستاندراد زي الخبرة السابقة ، المهارات و غيرها

  • لازم تفهم التاكسونومي ، انا قعدت كتير على ما فهمت الحوار ده ، نظم البحث في السي في بتقوم باستخلاص المهارات من السي في في الخطوة الاولى ، و تبتدي تقيم السي في بناء على التاكسونومي اللي معمول جوا السيستم ، طب هو ايه التاكسونومي ، هو بناء علاقات بين الاشياء بناء على تواجدها في الطبيعة ، مثلا (الكلام بالعربي بس طبعا البحث و السي في بتكون عنجليزي) ، يعني لو انت شغال كونسالتانت ، ممكن تكون بتعمل ديزاين ، بس مش شرط تكون بتعمل بريسيلز ، و العكس صحيح بس كون انك ادمين ده معناه انك بتعمل مانجمنت و ادمين تاسكس و العكس صحيح و هنا بيكون في علاقة بارنت و تشايلد بين الكلمات ، و هنا يبتدي يحصل تقييم و ربط الكلمات و الكي وردس جوا السي في ببعض علشان السيستم يقدر يحدد انت بتعمل ايه ، مثال اخر ، زي حالاتي ، انا اركتكت يعني بعمل ديزاين ، و بعمل بريسيلز ، و برودكت ديزاين ، بس مش شرط البريسيلز و البرودكت اللي يعملهم اركتكت فالبحث عن اركتكت يحطلع السي في بتاعتي و ده برضو صحيح لو تم البحث عن ديزاين ، بس مش شرط البحث عن برودكت ديزاين يطلع السي في بتاعتي لو انا حاططها ، ممكن يطلع الرانكنج بتاعي اقل من برودكت مانجر مثلا….

  • لازم تفهم السياق (كونتكست) في سيستمز ادفانسد بتقدر تعمل ماشين ليرننج و البحث بالسياق ، يعني مثلا البحث عن سيستم ادمن ، حيطلع نتايج ممكن تكون مكتوبة انفرا ادمن ، اي تي ادمن و هكذا ، و بالتالي انت لازم تظبط السي في و الوظائف و المسميات اللي انت كاتبها على السياق الاكثر شيوعا ، يعني انا مثلا التايتل بتاعي سينيور ابليكيشن اركتكت ، السيستم ممكن يربط الموضوع ده بالسي شارب و الديفيلومبنت لكن ده مش شغلي ، و بالتالي لازم اعمل تعديل صغير جوا السي في علشان الكونتكست يبقا صح و اخليها سينيور تيكنيكال اركتكت مثلا.

و من هنا نستخلص التالي:

  • لازم السي في تكون مرتبة بحيث يكون فيها كي وردس و علاقة بارنت و تشايلد بين الكيوردس دي ، و لو انت بتستعمل ويبسايت زي بايت او غيره ، لازم تكتب الكي وردس و الكيوردس الاب ، يعني ايه ، اللي شاف السي في بتاعتي ، شاف التالي:

Unified Communications Technologies: Microsoft Exchange 2007, 2010 and 2013, OCS 2007 R2, Lync Server 2010/2013, including Enterprise Voice and voice integration.

هنا الكي وردس البارنت او الاب

Unified Communications

 و الكي وردس التشايلد

Microsoft Exchange 2007, 2010 and 2013, OCS 2007 R2, Lync Server 2010/2013, including Enterprise Voice and voice integration

و بالتالي بسهل للسيستم انه يقرا الخط ده و يبني علاقة منطقية تكون واضحة ليه و للريكروتر و هما بيقروا و اي حد حيعمل بحث عن

Unified Communications

حيلاقيني و السيستم حيديني (المفروض) رانكنج اعلى لانه البارنت تحتيه علاقات و سكيلز تشايلد اكتر

و سيكلز الديزاين مثلا مكتوبة فوق و ده في رأي حتسهل على السيستم انه يعترض المهارات دي لو حد عمل بحث عن

 Design Exchange

مثلا

  • لازم تكتب الكيوردس مفصلة علشان يقدر السيستم يعترضها ، و هنا بقا لازم تكتب مهارات التيكنيكال و البرسونال في صيغة كي وردس يقدر السيستم يعترضها بس برضوا في سياق جمل يقدر الريكروتر يقراها مثلا في السي في بتاعتي

Solid Presentation and communication skills including conflict management, negotiation, customer service and dealing with customer issues.

انا حطيت كي وردس بريسنتيشن سكيلز ، كستمر سيرفس ، نيجوجشيشن في صيغة كي وردس تحت مقطع البرسونال سكيلز علشان التاكسونومي و السياق

  • لازم تحط الكي وردس الصح ، يعني مثلا انا شوفت سي في مكتوب فيها

Managing Exchange Send Connector

هل وارد انه يتم البحث عن ال Send Connector في بند المهارات ، لاء طبعا

غلطة تانية

Cisco 8xxx

هل وارد انه يتم البحث عن الكي ورد ده ، ولا البحث عن ال BGB or ISIS

و هل لما تكتب ISIS  تكتبها

ISIS

Or

IS-IS

  • مينفعشي تستعمل سي في واحدة لاكتر من وظيفة ، هنا بقا انت لو بتقدم لاكتر من وظيفة لازم تبقا عارف الكي وردس بتاعت كل واحدة و تحط الحاجات ذات العلاقة في السي في او الابليكيشن ، مينفعشي تستعمل سي في واحدة لكل حاجة

اخر حاجة بقا انه تحط حاجات مبهرة اما يجي الريكروتر يقرا ، يعني بعد ما ساعدنا السيستم يقرا السي في و ظبطناها ناخد رانكنج اعلى ، حان وقت تتعامل مع البشر

و هنا احلى حتة تتكلم فيها هي الجزء الوظيفي بتاعك و الحاجات اللي حققتها ، و زي ما بقول للناس لازم تبهر الريكروتر و تتكلم عن مدى تعقيد و كبر و حجم المشاريع اللي خشيت فيها في صيغة بشرية تقدر تلوحوا فيها…

موضوع صعب ، مش كدة……و احنا اللي كنا فاكرينه كفتة….